"Katër pikat e presidentit serb Boris Tadiq për Kosovën asnjëherë nuk do të jenë të pranueshme". Kështu ka thënë sot kryeministri Hashim Thaçi, në mbledhjen e qeverisë.

Ai thtoi se ka kaluar koha kur Serbia projekton pika të ndryshme apo bënë plane për Kosovën.

Kryeministri në këtë rast i ka kujtuar Tadiqit se Kosova më 17 shkurt 2008 e ka shpallur pavarësinë dhe nuk ka të bëjë asgjë më Serbinë.

Thaci theksoi se Kosova ka kushtetutën e saj dhe do të jetë e përkushtuar ndaj planit të Ahtissarit.

Propozimi i Tadic'it

Presidenti serb ka propozuar ditë më parë një plan katër pikësh për një zgjidhje të veçantë për manastiret ortodokse serbe, garanci të veçantë për serbët në enklava, zgjidhjen e çështjes së pronave të qytetarëve serbë të Kosovës dhe një zgjidhje speciale për veriun e Kosovës.