Stefanoviq, siç raporton QIK, duke përgënjeshtruar pohimet e shtypit të Prishtinës, përkatësisht të Edita Tahirit, të ketë thënë se në fillim të shkurtit Prishtina dhe Beogradi do të arrijnë një kompromis sipas të cilit Kosova do të pranojë të përfaqësohet pa përmendur fjalën Republikë, ndërsa Serbia do të pranojë që në kontekstin e njëjtë të mos përmendet as Rezoluta 1244.

“Është e njëjta palë e cila pohonte se do të jetë në përdorim pasaporta kosovare, dhe nuk është, pohonin se të gjitha targat e Kosovës do të jenë në përdorim, e nuk janë, pohonin se Serbia nuk do të japë letërnjoftime dhe evidencën amë për Kosovën - do të vazhdojmë ta bëjmë. Atëherë, ka edhe shumë shembuj të asaj për çka e kishin përgatitur publikun e vet, por nuk ndodhi. Tekefundit, ditëve të ardhshme do të shohim sesa është i saktë informacioni i ‘Kohës Ditore’. Por unë u them se plotësisht është e pavërtetë”, thotë Stefanoviq. /qik/