Kanë filluar të hapen të gjitha “dosjet” e mbyllura deri më tash në Kosovë. Pushtetarë të sotëm, ish komandant të luftës apo edhe pjesëtarë të Shërbimit Informativ të Kosovës, pro edhe zyrtarë të tashëm të partisë në pushtet PDK-së, përveç me aktivitete “patriotike” duket se janë marrë edhe me biznese.

Fshehin bizneset në Agjencinë Kundërkorruposion

Shumica bizneseve të cilat këta zyrtarë të lartë të partisë në pushtet i kanë të regjistruar në Agjencinë e Regjistrimit të Bizneseve në Kosovë nuk i kanë lajmëruar në Agjencinë e Kosovës për Kundërkorrupcion edhe pse kanë obligim ligjor që të deklarojnë pasurinë e tyre të gjithë zyrtarë e lartë të shtetit.

Burime të gazetës “Bota sot” kanë siguruar dokumente në të cilat bëhen të ditura edhe veprimtari e biznese të personaliteteve të larta zyrtare e politike të Partisë Demokratike të Kosovës, përfshirë edhe ish-zyrtarë të SHIK-ut.

Por ajo që bie në sy në këto të dhëna është lidhja e Shkëlzen Maliqit me zyrtarë të PDK-së e madje edhe me emra serbësh. Në këtë drejtim më të “fortit” duket se janë vetë Maliqi dhe Petrit Selimi zëvendësministër i jashtëm i Kosovës.

/infosot/