Rrjedhën e procesit për emërimin e ambasadorëve të rinj, e më pas edhe me performancën e kandidatëve që Ministria e Punëve të Jashtme i ka propozuar për t’i dërguar në dhjetë shtete të jashtme, kryetari i Komisionit Parlamentar për Punë të Jashtme, Albin Kurti, ka vendosur që presidentes Atifete Jahjaga bashkë me raportin e Komisionit pas intervistimit të të nominuarve për ambasadorë t’ia dërgojë edhe një vlerësim të vetin, të veçantë, që është skajshmërisht i ndryshëm nga vlerësimi i shumicës së anëtarëve të Komisionit Parlamentar.

 Në atë raport 24 faqesh, të cilin ka arritur të sigurojë “Koha Ditore”, Kurti e ka cilësuar tërë procesin e përzgjedhjes së ambasadorëve të rinj joparimor, joligjor dhe rrjedhimisht të padobishëm për shtetin. Me këtë bindje, ai ka konsideruar se ky proces nuk meriton ta marrë fare bekimin e presidentes.

Megjithatë, anëtarët e Komisionit të kontaktuar nga gazeta, madje edhe disa nga radhët e opozitës, nuk janë pajtuar tërësisht me vlerësimin e Kurtit, dhe kanë theksuar se ai u ka “hyrë në hak” së paku disa prej kandidatëve.