Prishtinë, 18 shkurt - Zëvendëssekretari i Shtetit i SHBA-së, William Burns, dhe ministri i Punëve të Jashtme i Republikës së Kosovës, Enver Hoxhaj, nënshkruan sot një Marrëveshje për Statusin e Forcave.

 

Nënshkrimi i Marrëveshjes për Statusin e Forcave (MPSF) mes Qeverisë së Kosovës dhe Shteteve të Bashkuara të Amerikës, riafirmon dhe forcon partneritetin e thellë mes dy shteteve. Kjo mbështet bashkëpunimin dhe partneritetin tonë aktual për të përparuar sigurinë e popullit të Kosovës dhe për të kontribuar në stabilitetin dhe paqen në Ballkan. 

MPSF siguron kornizën ligjore brenda së cilës personeli civil i ushtrisë amerikane dhe Departamentit të Mbrojtjes të SHBA-së, e të cilët nuk janë pjesë e misionit të NATO-s, do të veprojnë në Kosovë. 

Në bazë të kësaj, ky personel do të punojë me pjesëtarët e Forcës së Sigurisë së Kosovës (FSK) për të zhvilluar tutje aftësitë e FSK-së në kryerjen e katër misioneve të saj thelbësore: Zjarrfikjen, Kërkimin dhe Shpëtimin, Largimin e Materieve të Rrezikshme, dhe Largimin e Mjeteve Eksplozive, thuhet në komunikatën e MPJ-së.