Ish-Drejtori i Përgjithshëm i SHIK-ut, Latif Gashi ka thënë se ish-Ministri i Rendit në Qeverinë e Përkohshme të Kosovës (QPK), Rexhep Selimi nuk mund ta mohojë faktin se ka pasur polici sekrete.

 “Selimi nuk mund ta mohojë këtë fakt, sepse për këtë janë dëshmitarë të gjithë qytetarët e Prishtinës, e posaçërisht ata qytetarë që kanë pasur probleme të natyrave të ndryshme me policët e tij të përzgjedhur pa asnjë kriter”, - ka thënë Gashi.
Kjo deklaratë e Gashit dhënë Tribunës Shqiptare, u cili është aktualisht deputet nga radhët e PDK-së, bëhet pasi që Rexhep Selimi kishte mohuar se kishte pasur polici sekrete. Në fakt, ky pretendim ishte ngritur nga Latif Gashi, i cili kishte deklaruar se policia sekrete e Selimit nuk funksiononte në kuadër të strukturave të ish-Shërbimit Informativ të Kosovë./Bota sot/