Miami, 29 janar – Së paku nëntë persona kanë vdekur në disa aksidente trafiku, shkaktar i të cilave sipas të gjitha gjasave ishte tymi dhe mjegulla e dendur në autostradën në veri të shtetit federal amerikan Florida, njoftuan autoritetet e atjeshme.

Zyrtari i policisë rrugore deklaroi për medie se aksidentet kanë ndodhur në të dy anët e autostradës, në veri të qytetit Gainesville.

Të gjitha korsitë e autostradës janë mbyllur për qarkullim deri në kryerjen e hetimeve për shkakun aksidenteve.

Policia e trafikut ka mbyllur për qarkullim këtë autostradë për arsye të mjegullës, por edhe tymit nga zjarri në afërsi të qytetit Gainesville. 

Në aksidente janë përplasur katër-pesë automjete të mëdha dhe rreth gjashtë vetura udhëtarësh.