Masakra e Llovcës

11.04.2013 (komentet: 0)

Nga Demir Krasniqi

Masakra e Llovcës

Më pesë prill , nëntëdhjetë e nëntë –
N’ fshatin Llovcë , ka ra një gjëmë !
Shumë policë , paramilitarë –
Bënë masakër mbi shqiptarë !

Këto fallanga t’ serbijanit ,
Vijnë nga fshati i Pasjanit ,
N’ Karadak , n’ fshatra t’ kësaj ane ,
N’ fshatin Llovcë, bënë kasaphane !

Gjëmë e vaj mori Malësia ,
Vrasin njerëz , djegin shtëpia !...
N’ këtë masakër të pa parë –
Masakruan këta shqiptarë :

Vranë Rabit Tahir Dalipin ,
Vranë Xhevrije Ramë Zeqirin ,
Vranë Xhemail Kadri Halimin ,
Vranë Sami Abdyl Xhelilin ...

Vranë Avdi Selver Rexhepin ,
Vranë Rahim Bajram Ymerin ,
Vranë Nexhmije Riza Azemin , 
Na e vranë Driton Xhelilin ...

Vranë shqiptarët e pa mbrojtur ,
Aty mbeten dy t’ plagosur –
Nazmi Hajdini , Marigonë Azemi ,
N’ zemrat tona do t’i kemi !

Mbasi n’ Llovcë e kryen krimin –
Për Pograxhë morën drejtimin ...
Duan shqiptarëve t’ua marrin shpirtin –
E kanë vra Nazim Rashitin !

Thërrasin varret mbi bregore ,
Për çdo vjet n’ përkujtimore –
Ju të gjallët , mos na harroni , 
Pak ma tepër t’ na nderoni ! 

Gjilan, më 10.04.2013.

Kthehu mbrapa

Shto koment